XUÑO: MES DO MEDIO AMBIENTE

O 5 de xuño celébrase o día Mundial do Medio Ambiente. Dende a nosa Biblioteca sempre adicamos todo o mes de Xuño ao Medio Ambiente e propomos distintas actividades relacionadas con esta temática. Este ano, aínda que de unha forma diferente, queremos que tamén sexa así.

Este ano 2020, o día Mundial do Medio Ambiente está adicado á Biodiversidade e a sede que albergará as celebracións globais deste día é Colombia.  No seguinte vídeo podedes ver máis información:  https://youtu.be/Ls8wpOtH5SQ

Dende a Biblioteca Escolar propoñemos que creedes un cartel para celebrar o Día Mundial do Medio Ambiente.

Podedes facelo en soporte dixital ou papel, o cartel debe incluír:

·         O texto: 5 de xuño - Dia Mundial do Medio Ambiente

·         Debuxos ou imaxes orixinais e relacionadas co tema deste ano (Biodiversidade)

·         Opcional: Un lema inventado por vós

Enviade as vosas creacións ao correo: tobiasbiblioteca@gmail.com

Ademais, o departamento de Bioloxía do noso centro ten en marcha distintas actividades co alumnado e dende a Biblioteca Escolar axudaremos a súa organización, promoción e difusión na comunidade educativa, así que ...

Permanecede atentos as novas noticias do blog!!