Festexamos o Entroido 2022!

Como non podía ser doutro xeito, no Chamoso Lamas celebramos un Entroido que case case estivo á altura do de Río de Xaneiro 😜!

Durante a última semana do mes de febreiro o Meco puxo orde no noso instituto, e suxeriunos unha serie de mandatos que cumprimos relixiosamente: desde levar un zapato de cada cor ata vestirmos pezas de roupa moi coloridas... Ademais, as ordes do Meco eran acumulativas, polo que o xoves lucimos un aspecto ben peculiar!

E o venres 25 de febreiro xa foi a quenda do gran festival entroideiro, no que rapazada e profesorado festexaron estas datas como é debido. Tivemos pregón, un animado desfile de comparsas, concurso de talentos (Chamoso Talent) e ata unha xincana!

 

 

 

A temática principal foi a viaxe no tempo cara ao pasado, para a que mesmo tivemos un gran photocall con máquina do tempo incluída ⌛😉.

Ollade algunhas imaxes do desfile e do grande ambiente que vivimos nesa xornada:

 

 

 

 

 

 

 

 

 

 

 

 

 

 

 

 

 

 

 

 

 

 

 

Día de Rosalía de Castro 2022

Durante a última semana completa de febreiro, xusto antes do Entroido, puidemos festexar (e con grandísimos honores!) o Día de Rosalía de Castro, que se conmemora cada 23 de febreiro, data de nacemento da autora.

Para tan importante efeméride enchemos o Chamoso Lamas de actividades: desde a elaboración dunha revista conmemorativa ─na que alumnado de case todos os niveis puxo o seu gran de area─ ata un recital poético-musical, que tivo lugar na biblioteca, e no que estudantes, profesores/as e persoal non docente declamaron algúns dos versos rosalianos máis emblemáticos.

Semana d@s namorad@s: papiroflexia e karaoke!

Durante a semana do 14 de febreiro celebramos na nosa biblioteca unha manchea de actividades, todas elas relacionadas co amor 💕.

Unha das máis innovadoras foi o obradoiro de papiroflexia, no que estudantes e profes puidemos aprender como elaborar unhas caixiñas moi xeitosas con motivos amorosos, ben fosen para sorprender a unha persoa especial... Ou ben para autorregalarnos a nós mesmos/as!

 

Ademais, durante toda esa semana tivemos un karaoke de San Valentín nos recreos, onde alumnado e profesorado interpretaron unha coidada selección de cancións románticas, moi axeitadas para a época 😉, e cun acompañamento de luxo ao piano.

11 de febreiro: Día Internacional da Muller e a Nena na Ciencia

Velaquí vos deixamos unha imaxe do material elaborado para conmemorar o Día Internacional da Muller e a Nena na Ciencia!

DÍA DA PAZ 2022

O pasado 30 de xaneiro foi o Día da Paz, e desde o IES Manuel Chamoso Lamas quixemos celebrar esta data tan sinalada cun taboleiro conmemorativo na entrada do instituto, e outro panel máis no que recollemos o que significa a paz para cada un/unha de nós. Todo sempre coa colaboración do voluntariado da biblioteca!

Ademais, tamén tivemos uns xenerais moi particulares, que luciron uns galóns ben pacíficos... Fixádevos, fixádevos ben...

...e mesmo houbo música para loitar contra as violencias!

NADAL e NOVIDADES

 No Chamoso xa estamos preparados para a celebración do Nadal. Para elo os alumnos, decoraron CDs con distintos motivos destas festas.

Como agasallo deíxanos un montón de Novidades, que podedes levar para ler nas vacacións.

Dende o equipo da biblioteca desexámosvos moi Feliz Nadal e  Próspero Aninovo

DECEMBRO: Dereitos Humanos e Constitución

 O mes comenza coas conmemoracións do aniversario da Constitución o dia 6 e do Día Mundial dos Dereitos humanos o día 10.

As voluntarias da Biblioteca prepararon o panel que loce na entrada do instituto. 

25 N Día contra a violencia de xénero

      Para conmemorar o Día en Contra da Violencia de Xénero levaronse a cabo numerosas actividades.  A continuación podedes ler un pequeño resumo delas:    Concurso de relatos “ Cóntallo á vítima”, no que os alumnos elaboraron cartas de apoio as vítimas.  Esta foi a carta elexida. 

Parabens a María e Elisabeth, gañadora e finalista, que recollen o seu agasallo

As alumnas de 1º de Bac de Literatura Universal crearon este fermoso poema que se expuxo no corredor

Dende a biblioteca e o departamento Economía, coa axuda dos voluntarios. elaborouse un panel  dicindo NON a Violencia de Xénero, onde se recollen as historias das vitimas do ano 2021 en España

Coa colaboración dos titores cada grupo elaborou unha pancarta cun lema en favor da non violencia contra as mulleres. As fotos de cada grupo coa sua pancarta serviron para inagurar o Taboleiro da Igualdade do Chamoso 

O impactante panel da entrada nos recorda que a violencia de xénero tingue de sangue a vida de demasiadas mulleres.

O Departamento de Música  e os seus alumnos crearon unha canción sobre o tema que presentaron nos distintos actos que tiveron lugar o día 25 de novembro, tanto  no Chamoso como no concello, xunto cos outros centros educativos da comarca. 

 

     

Novidades de Novembro

 Neste mes temos novos exemplares de libros e comics, non  volos perdades!!!

Ademáis bota a andar o Club de Lectura...   

e a  Revista do Chamoso Lamas do curso 2021-2022.  Esperamos a vosa participación!!

SAMAÍN no Chamoso

Nesta semana o Instituto transformouse nun escenario de terror, para conmemorar o Samaín, grazas as voluntarias e equipo da biblio

E non vos perdades a historia de E. Allan Poe recreada polos alumnos de Literatura Universal e a súa profesora Paula